Парижда йилнинг энг чиройли концепт-кари танланди

Париждаги 32-Халқаро автомобиль фестивалида 2016 йилнинг энг чиройли концепт-кари танланди. Бундай шарафга шу каби анжуманларда Jaguar I-Pace, Aston Martin RB001 ва DS E-Tense каби прототиплар билан бир қаторга қўйиладиган Renault Trezor муносиб топилди. 

Trezor прототипи ўтган йилнинг куз ойида бўлиб ўтган Париж автосалонида намойиш қилинган эди. Унинг ўзига хос жиҳатларидан бири автомобиль ичига киришнинг ноодатий эканлигидир. Бунинг учун, карбонли томни кўтариш лозим бўлади. Бу эса, кузовнинг деярли уст қисмидир. 

Автомобилга Формула Е чемпионатларида иштирок этувчи Renault e Dams жамоаси  болидларининг 350 от кучига эга электродвигатели ўрнатилади. Машина 4 сонияда «юз»га чиқа олади. 

Бундан ташқари, концепт учун муқобил бошқарув тизими ишлаб чиқилган. Рул чамбараги пойга машиналари рулларининг шаклига эга. Gorilla Glass шиша қопламали  OLED-экранлар ҳамда кинетик энергияни рекуперация (электр токига айлантирувчи) қилувчи тизим ҳам ёддан кўтарилмаган.