13 февраль куни ҳар йили ўтказиладиган World Press Photo фотожурналистикаси танловининг ғолиблари эълон қилинди. Қуйида ушбу фотосуратлар ва уларнинг муаллифлари билан яқиндан танишишингиз мумкин. World Press Photo талқини бўйича 2016 йилнинг энг яхши фотосуратлари
1. Бош мукофот Россиянинг Туркиядаги элчиси Андрей Карловнинг қотили Мавлут Олтинтошни суратга олишга муваффақ бўлган Associated Press фотомухбири Бурхон Ўзбилижига насиб этди.
2. “Кундалик ҳаёт. Яккалик сурат” йўналиши бўйича ғолиб. 28 яшар ҳамшира ва фаол Лешиа Эванс АҚШдаги Батон Руж шаҳрида полициянинг шафқатсиз ҳаракатларига қарши ўтказилган норозилик намойишида. 2016 йилнинг июль ойида полиция ходимлари афроамерикалик 37 яшар Элтон Стерлингни отиб ташлашади. Бу митинг ва норозилик намойишларини бошланиб кетишига сабаб бўлади.
3. “Кундалик ҳаёт. Яккалик сурат” йўналиши бўйича иккинчи ўрин. Қочқинлар тўсиқлар оша Македонияга киришга ҳаракат қилишмоқда.
4. “Кундалик ҳаёт. Яккалик сурат” йўналиши бўйича учинчи ўрин. Ливиядаги вақтинчалик марказда жойлаштирилган нигериялик қочқинлар.
5. “Одамлар. Яккалик сурат” йўналиши бўйича учинчи ўрин. Бунга «Коммерсантъ» нашри фотомухбири Кристина Кормилицына “Ишонч” фотосурати туфайли лойиқ кўрилди. Сурат Кубада олинган. Камагуэй шаҳридаги полиция участкаси. Фидель Кастро вафотидан бир неча кун кейин.
6. “Табиат. Яккалик сурат” йўналиши бўйича биринчи ўрин. Тошбақа балиқчилар тўрига тушиб қолди. Тенерифе, Испания, июнь, 2016 йил.
7. “Кундалик ҳаёт. Туркум” йўналиши бўйича иккинчи ўрин. Кичкина Марсела (чапда) Зика вирусига чалинган ҳолда туғилган эгиз сингилларига қараб турибди. Сурат Бразилиядаги посёлкалардан бирида 2016 йилнинг октябрь ойида туширилган.
