Microsoft энг кучли ўйин гаджети қачон тақдим этилишини маълум қилди

Microsoft компанияси E3 ўйинлар кўргазмасида Project Scorpio ўйин консолини намойиш этади. Бу АҚШнинг Лос-Анжелес шаҳрида ёз бошида рўй беради, деб хабар берилган Xbox’нинг расмий твиттерида.

Microsoft қурилмани тарихдаги энг кучли консоль, деб атаган. Тахминларга кўра, Scorpio янги авлоддаги Xbox консоллари учун кодли номдир.

Ишлаб чиқарувчиларнинг маълумотига кўра, гаджет 4К-кенглик ва VR-технологияга эга. У Xbox One одатий нусхасидан тўрт карра кучлироқ бўлиши кутилмоқда. 

Аввалроқ Sony PlayStation 4 сотувлар бўйича рекорд ўрнатгани ҳақида хабар берилганди.