АҚШнинг Оҳайо штатидаги BeeHex компанияси пиццалар чиқариши мумкин бўлган 3D-принтерларни ишлаб чиқариш билан шуғулланмоқчи. Улар бунинг учун сармоядорлар ҳам топишди ҳамда улар қурилмани ишлаб чиқаришни бошлаш учун 1 миллион доллар ажратди. Принтер Chef 3D деб аталади ҳамда мижознинг махсус буюртмасига кўра пицца қилиши мумкин. Бундан ташқари, аппарат маҳсулот таркибига ҳам ўзгартиришлар киритиши мумкин, шунинг учун глютенсиз пиццани тайёрлаш мумкин.
Стартап ўз ишланмасига йирик пиццериялар тармоғини жалб этишни режалаштирган, шунинг учун BeeHex раҳбари анча ижобий кайфиятда. Унинг сўзларига кўра, кўплаб кафе ва ресторанлар эгалари мижозларга “шахсий” таомларни таклиф этишни мақсад қилишган, бироқ ходимларни қайта ўқитишни исташмаяпти, бундан ташқари, буюртмага қилинган таом оддийсидан анча қимматроққа тушади.
Chef 3D принтери ишлаб чиқариш харажатлари ва ходимларни қайта ўқитиш қийматини камайтиришга ёрдам беради, сабаби “босма” таомни ишлаб чиқариш деярли бутунлай автоматик режимда бўлади.
Ноодатий принтер қачон сотувга чиқиши номаълум.
