Сербиянинг Уб муниципалитетидаги Слатина қишлоғи яқинида ҳарбий-машғулот самолёти фалокатга учради.
«Сербия ҲҲК ва ҲМКнинг икки ўринли G-4 Super Galeb ўқув-машғулот самолёти бугун Слатина қишлоғи яқинида машғулот парвози вақтида қулаб тушди», - дея берди Сербия мудофаа вазирлиги сайти.
Айни дамда бедарак йўқолган учувчиларни қидириш ишлари ташкиллаштирилган.
Ҳодиса жойига Сербия ҲҲК ва ҲМК қўмондони генерал-майор Ранко Живак ҳам етиб келди.
