«Бавария» раҳбарияти ҳужумчи Роберт Левандовскининг «Реал«га қарши ЕЧЛ чорак финал жавоб учрашувида майдонга тушишига умид қилишмоқда. Бу ҳақда Tribuna.Uz ёзмоқда.
Манба берган маълумотларга кўра, польшалик футболчи икки кун давомида якка тартибда машғулотлар олиб боради ва шундан сўнг умумий гуруҳга қўшилади. Бу Левандовскининг мадридликлар билан жавоб учрашувида иштирок этиши учун етарли бўлиши керак.
Эслатиб ўтамиз, Левандовски бундеслиганинг 28-туридан ўрин олган «Боруссия» Дортмундга қарши учрашувда (4:1) елкасидан жароҳат олган ва ЕЧЛ дастлабки учрашувини ўтказиб юборганди.
