Макгрегор ва Мэйуэзер ўзаро жанг учун қанчадан гонорар оладилар?

Мутлақ кураш чемпионати (UFC) раҳбари Дэна Уайт аралаш кураш жангчиси Конор Макгрегор ва боксчи Флойд Мэйуэзер бокс қонунларига кўра ўтадиган ўзаро жанг учун оладиган гонорарлари ҳақида маълумот берди. 

"Ҳаммаси жанг трансляциясининг сотилишига боғлиқ. Агар у мен ўйлаганчалик сотилса, унда Флойд 100 млн доллардан сал кўпроқ, Конор эса 75 млн долларга яқин гонорар олади", деб айтди Уайт ҳамда жанг учун шартнома ҳали имзоланмаганини таъкидлаб ўтди. 

14 март куни Мэйуэзер-Макгрегор жанги учун Лас-Вегасдаги арена банд қилиб қўйилгани маълум қилинганди.

Февраль ўрталарида Флойд ва Конор жанг ўтказиш учун шартнома бўйича келишиб олганлари ҳақида ахборот пайдо бўлганди.

40 ёшли Мэйуэзер профессионал боксда ўтказган 49 та жангининг барчасида қўли баланд келган. 28 ёшли Макгрегор 2016 йил ноябрда америкалик Эдди Альваресни ютиб, UFC тарихида икки вазн тоифасида – ярим ўрта ва ўрта вазнда чемпион бўлган биринчи курашчига айланганди. Ирланднинг ҳисобида ММА қоидалари бўйича ўтказилган 24 жангдан 21 та ғалаба ва 3 та мағлубият бор.