Трамп ўзининг илк хорижий сафарини бошламоқда. Энг аввал Саудия ва Исроилга

АҚШнинг 45-президенти Доналд Трамп эртага, 19 май куни ўзининг илк хорижий сафарини бошлайди. Бу ҳақда The New York Times ёзмоқда.

Манбада ёзилишича, президент энг аввал Саудия Арабистони ва Исроилга боради. Кейинчалик Бельгия, Италия ва Ватиканга ташриф режалаштирилган.

Турне 9 кун давом этиши айтилган. Манбада ёзилишича, Трампнинг биринчи хорижий сафари у учун жуда муҳим. Шунингдек мамлакат учун ҳам.

«Американинг биринчи рақамли шахси сифатида Трамп ўзини илк марта дунёга намоён қилади»,- деб ёзади газета.