2017 йилнинг 29 май куни Европа инвестиция банки делегацияси Тошкент шаҳрига келди. Бу ҳақда Ўзбекистон Ташқи ишлар вазирлиги матбуот хизмати хабар берди.
Делегацияга банк вице-президенти Васил Ҳудак бошчилик қилмоқда. Европа инвестиция банки вакиллари Ўзбекистон Республикаси Олий Мажлиси Сенатида, қатор вазирлик ва идораларда ҳамкорликнинг истиқболли йўналишлари юзасидан учрашувлар ва музокаралар ўтказади.
Эслатиб ўтамиз, Европа инвестиция банки айни дамда ЕИ банки ролини эгаллаб, жаҳондаги энг йирик кредит берувчилардан бири саналади. Банкнинг тақдим этувчи кредитлари умумий портфели 71,7 миллиард еврони ташкил этади.
