"Яндекс"нинг Украинадаги офислари ёпилмоқда

Фото: Getty Images

"Яндекс" компанияси Киев ва Одессадаги офисларини ёпмоқда, деб маълум қилди "Яндекс"нинг жамоатчилик билан алоқалар бўйича директори Очир Манжиков.

"Яндекс. Украина" компанияси санкциялар рўйхатига киритилган ва Украинада фаолият олиб боролмайди. Жумладан, компаниянинг барча ҳисоб рақамлари тўсиб қўйилган ва биз ходимларга маош тўлай олмаяпмиз", деб маълум қилди Манжиков.

Аввалроқ Украина ҳуқуқ-тартибот идоралари "Яндекс" офисида тинтув ўтказгани маълум қилинганди. Украина хавфсизлик хизмати компания ходимларини давлатга хиёнат қилиш ва украиналикларнинг шахсий маълумотларини беришда гумон қилиб, тергов тадбирлари ташкил этган. Шунингдек, тергов тадбирлари Украина ҳукуматининг "Яндекс" ресурслари ҳамда "ВКонтакте" ва "Одноклассники" ижтимоий тармоқларини тақиқлагани билан ҳам боғланган.

#Украина #Yandex