Хонобод шаҳрини ривожлантириш бўйича ҳукумат қарори қабул қилинади

Андижон вилояти фаоллари иштирокида ўтказилган йиғилишда давлат раҳбари вилоятнинг Хонобод шаҳрини яна ривожлантириш юзасидан ҳукумат қарори қабул қилиниши лозимлиги ҳақида ҳам гапирган. Бу ҳақда Кун.uz мухбири хабар берди.

“Хонобод яқин йилларда ҳам республикамизнинг энг гўзал масканларидан бири эди. Яқин кунларда у ўзининг аввалги шуҳратини қайтариши лозим. Шаҳарни ижтимоий-иқтисодий жиҳатдан ривожлантириш учун ҳукумат қарорини қабул қилиш лозим”, - деган Президент.

Давлат раҳбарининг фикрига кўра, келгусида вилоятнинг ҳар бир туман-шаҳрига Хонободдан маълум бир ҳудуд ажратилади. Унда тегишли шаҳар-туман аҳолиси кўнгилли ҳордиқ чиқариши учун керакли шарт-шароитлар яратилади. Бу эса, мамлакатда иқтисодиётнинг янги тармоғи – экотуризм ривожида муҳим ўрин тутади. 

Йиғилишда Президент шаҳар инфратузилмасини тубдан ўзгартириш юзасидан тегишли топшириқлар берди.