Мирзо Улуғбек туманида фоҳишахона ёпилди

2017 йилнинг 24 июнь куни тахминан соат 20:00 ларда ўтказилган “Орият” тадбири давомида, Равиль Васякин Джамилевич (анкета маълумотлари ўзгартирилган) Мирзо Улуғбек тумани ҳудудида жойлашган хонадонда фоҳишахона сақлаб, 24.000 сўм пул эвазига фуқаро «Э» ва «Н» ларга жинсий алоқа қилишлари учун шароит яратиб берганлиги аниқланган, деб хабар бермоқда пойтахт ИИББ.

Мазкур ҳолат юзасидан Мирзо Улуғбек тумани ИИБ ҳузуридаги Тергов бўлими томонидан Ўзбекистон Республикаси ЖКнинг 131-моддаси 2-қисми (фоҳишахона сақлаш) аломатлари билан жиноят иши қўзғатилиб, тергов ҳаракатлари олиб борилмоқда.