Жириновский: Давлат думасида ўлгунимча қоламан

Россия либерал-демократик партияси етакчиси Владимир Жириновскийнинг маълум қилишича, Федерациялар Кенгашидан кетиш ниятида эмас. Унинг аниқлик киритишича, Давлат думасидаги йиғилишларда “ўлгунича” қолмоқчи.

Бу ҳақда Жириновский “Маънолар ҳудуди” бутунроссия ёшлар форуми давомида айтиб ўтди.

“Мен Давлат думасида охиригача, ўлгунимча қоламан, мен ёшларга ҳам айтдим: “Сиз билан бир кунда ҳаётдан кўз юмаман”, - дея РЛДП етакчисининг сўзларини келтиради РИА Новости.

Шунингдек, у РЛДП, РФКП ва “Адолатли Россия”га битта партия ташкил этиш таклифи билан чиқди.

Эслатиб ўтамиз, жорий йилнинг 4 февраль куни Владимир Жириновский Россия либерал демократик партиясининг раиси этиб тўрт йилга қайта сайланганди.