Перу президенти Мадурони истеъфо беришга чақирди

Перу президенти Педро Пабло Кучински Венесуэла президенти Николас Мадуро ўз лавозимини тарк этиши керак, дея баёнот берди. Бу ҳақда РИА Новости хабар қилмоқда. 

Мадурога айтар сўзингиз борми, деган саволга жавоб берар экан, Кучински: "Кет!" деган сўзни айтган. У, шунингдек, қашшоқлик ва кучайиб бораётган инфляция туфайлиқўшни мамлакатларда бошпана топаётган венесуэлаликларга қайғуришини билдирган.

"У диктатор ва у конгрессдан қутилиш учун сайловлар ўтказиб,давлат тўнтаришини амалга оширди", — дея Кучински сўзларини келтиради агентлик.

Аввалроқ, Перу ТИВ Венесуэла элчисини "демократик тартибни қўпоргани учун" мамлакатдан чиқариб юборган эди.

Венесуэладаги вазият президент Николас Мадуро ташаббуси билан таъсис мажлисини чақирилганидан сўнг кескинлашди. Мухолифат таъсис мажлисига ўтказилган сайловларни тан олмаяпти. Уларга кўра, бу сайловга референдум орқали рухсат берилиши керак.