Фото: Match.tv
Киевнинг «Динамо» клуби ярим ҳимоячиси Андрей Ярмоленко Дортмунднинг «Боруссия» клуби сафига ўтди.
Украиналик 27 ёшли вингер немис клуби билан 2021 йил ёзига қадар амалда бўлувчи шартномага имзо чеккан.
Бундан аввалги хабарларда, «Боруссия» Ярмоленкони 30 миллион евро эвазига трансфер қилаётгани ҳақида айтилганди.
Ушбу футболчи жамоада Каталонияга йўл олган Усмон Дембеле ўрнини тўлдириш учун олиб келинди.
Ярмоленко «Динамо» учун 339 учрашув ўтказиб, 137 гол урган. У Украина терма жамоасида 69 ўйинда майдонга тушган ва 29 гол урган.
