ProBeamUST ва MiniBeam проекторлари мукаммал уй кинотеатрлари учун. Кенг тўпламли қулай функцияларни синаб кўринг.
Мана олти йилдирки, LED-проекторлар йўналишида етакчиликни сақлаб келаётган LG Electronics (LG) компанияси Европанинг энг йирик IFA маиший техника ва электроника кўргазмасида икки янги қурилмасини намойиш этиб, ўз етакчилигини янада мустаҳкамлашга қарор қилди. Компания LED/лазер проекторлар бозоридаги улушини ошириш стратегияси доирасида Берлинда ProBeamUST (UltraShort-Throw технологияли) лазер проектори ва MiniBeam (модельPH30JG) проекторлари тақдимотини ўтказади. Таҳлилларга кўра, LG'нинг LED/лазер проекторлар бозоридаги улуши уч йилдан кейин 5,7 миллиард долларни ташкил қилади.
LGProBeamUST қурилмаси проектордан ультра-яқин масофада FullHD-тасвирни таъминлайди ва шу орқали уй шароитида фильм атмосферасига тўлиқ "шўнғиш" имконини беради.
UltraShort-Throw технологияси шуниси билан қулайки, проектор симсиз бўлиб, профессионал ўрнатув ёки проектор ва экран ўртасида қўшимча жой талаб қилмайди (ProBeamUST 100 дюймли тасвирни акс эттириши учун атиги 12 сантиметр керак бўлади). ProBeamUST бошқаруви интуитив даражада амалга оширилади, унга алоҳида жой керак бўлмайди - шунчаки проекторни истаган мебель устига жойлаштиринг ва киносеансдан завқ олинг.
Проекторларнинг ёруғлик шароитидаги самарасига шубҳа қилаётган истеъмолчиларнинг хавотирига ҳожат йўқ, зеро LG ProBeamUST'нинг ёрқинлиги 1500 ANSI-люменни ташкил қилади, бу компаниянинг ундан аввалги қурилмасидан 1,5 баробар кўп демакдир. ProBeamUST'нинг контрастлик коэффициенти эса 150000:1'га тенг, у ҳар қандай шоу ёки кинофильм намойиши вақтида жонли ва аниқ тасвирлар билан таъминлайди. Бундан ташқари, ProBeamUST лампаси жуда узоқ вақт - 200000 соатгача хизмат кўрсатади. I-шаклли инновацион лазер механизми қурилмани ингичка ва силлиқ дизайн билан таъминлайди, натижада у ҳар қандай интерьерда ҳам ажойиб кўриниш олади.
