Тошкентда Ўзбекистон-Россия бизнес-форуми бўлиб ўтади

2017 йилнинг 26 сентябрь куни Тошкентда Ўзбекистон ва Россия ишбилармон доиралари иштирокида «Ҳамкорликнинг янги қирралари» мавзусидаги иккинчи ўзаро бизнес-форум бўлиб ўтади.

Тадбирда кимё, енгил саноат, машинасозлик, қишлоқ хўжалиги, авиация, озиқ-овқат, фармацевтика, металлургия, тиббиёт воситаларини ишлаб чиқариш, саноат маҳсулотлари, йўл қурилиши техникаси, нефть ва газ ускуналари, энергетика, гидротехника ва бошқа соҳаларда ишловчи 30дан ортиқ Россия компаниялари иштирок этади.

Бизнес-форум давомида томонлар Ўзбекистон ва Россия Федерацияси ўртасидаги минтақалараро ҳамкорликни кенгайтириш ва ривожлантириш, сайёҳлик соҳасидаги ҳамкорлик, логистика соҳасини ривожлантириш ҳамда бошқа масалаларни муҳокама қиладилар.