Эрон ҳукумати Ироқ Курдистони билан чегараларни ёпади. Бу ҳақда «Аль-Маядин» телеканалида хабар қилинган.
Ҳукуматнинг ушбу қарори сабаблари аниқ келтирилмаган.
Эслатиб ўтамиз, 25 сентябрь куни Ироқ Курдистонида Мустақиллик референдуми ўтказилган. Овоз беришлар натижаларига кўра, унда қатнашганларнинг (сайловчилар умумий сони 5 миллион нафардан ортиқ, давомат 77 фоиз) 93 фоизи мустақилликни ёқлади.
Расмий Бағдод эса референдумни қонуний деб тан олмади.
Кейинроқ Ироқ ҳукумати ва курдлар мухториятга қўлланган айрим санкцияларни бекор қилишга келишишди. 9 октябрь куни Ироқ Курдистони раҳбари Масуд Барзоний санкциялар ечилиши эвазига референдум натижаларини музлатишга рози бўлгани хабар қилинди.
