ЕЧЛ. E гуруҳида 13та гол урилди

Чемпионлар лигаси E гуруҳида 3 тур учрашувларида жуда  йирик ҳисоблар қайд этилди. «Спартак» «Открытие Арена» стадионида «Севилья»га 5та гол урди - 5:1.

18-дақиқада Квинси Промес москваликлар жамоасини олдинга олиб чиқди, 30-дақиқада меҳмонлар жавоб голини уришди — Симон Кьер гол муаллифи.

Руслар иккинчи бўлимни кучли ўтказишди, 58-дақиқада Лоренсо Мельгарехо аниқ зарба йўллаб, жамоани яна олдинга бошлади. 67-дақиқада Денис Глушаков учинчи голни урди, Луис Адриано 74-дақиқада ҳисобни йирик кўринишга келтирди, ўйинга якуний нуқта Квинси Промес томонидан қўйилди.

Массимо Каррера шогирдлари гуруҳ босқичидаги илк ғалабасини нишонлади ва очколари сонини 5тага етказди.

Параллел кечган учрашувда эса янада кўпроқ гол урилди.

«Ливерпуль» Словенияда «Марибор»ни 7:0 ҳисобида таслим қилди.

19-дақиқадаёқ Юрген Клопп шогирдлари 3та гол уриб бўлишганди — Роберто Фирмино, Филиппе Коутиньо ва Муҳаммад Салоҳ биттадан гол уришди. Биринчи бўлим охирида Салоҳ дублни расмийлаштирди. Иккинчи бўлим бошида Фирмино ҳам иккинчи голини урди, ўйин охирида Алекс Окслейд-Чемберлен ва Трент Александер-Арнольд ўз номларини таблога ёздиришди - 7:0.

Эндиликда E гуруҳида турнир жадвали: 1. «Ливерпуль» — 5 очко; 2. «Спартак» — 5; 3. «Севилья» — 4; 4. «Марибор» — 1.

Чемпионлар лигаси
E гуруҳи

Спартак – Севилья 5:1 (1:1, 4:0)
Голлар: 1:0 – 18 Промес, 1:1 – 30 Кьер, 2:1 – 58 Мельгарехо, 3:1 – 67 Глушаков, 4:1 – 74 Луис Адриано, 5:1 – 90 Промес.
Спартак – Селихов, Ещенко, Ташчи, Жикия, Комбаров, Фернандо, Глушаков, Самедов (Мельгарехо, 25), Попов (Пашалич, 57), Промес, Луис Адриано.
Севилья – Рико, Меркадо, Кьер, Лангле, Эскудеро, Крон-Дели (Васкес, 68), Писарро, Банега, Сарабия, Бен-Йеддер (Муриэль, 82), Нолито (Навас, 76).
Огоҳлантиришлар: Жикия (34), Эскудеро (37), Фернандо (45), Писарро (89).

Марибор – Ливерпуль  0:7 (0:4, 0:3)
Голлар: 0:1 – 4 Фирмино, 0:2 – 13 Коутиньо, 0:3 – 19 Салах, 0:4 – 39 Салах, 0:5 – 54 Фирмино, 0:6 – 86 Окслейд-Чемберлен, 0:7 – 90 Александер-Арнолд.
Марибор – Ханданович, Милец, Райчевич, Шулер, Вилер, Врховец, Кабха, Крамарич (Хотич, 58), Ахмеди (Пихлер, 58), Бохар (Мешанович, 81), Таварес.
Ливерпуль – Кариус, Александер-Арнолд, Матип, Ловрен, Морено, Милнер, Джан, Вейналдум (Соланке, 76), Салах (Окслейд-Чемберлен, 57), Фирмино (Старридж, 68), Коутиньо.
Огоҳлантиришлар: Милец (45), Врховец (80), Хотич (89).