«Реал» клуби аъзолари орасида етакчи тўпурар Криштиану Роналдунинг ўйинидан норозилик кайфияти кучаймоқда.
Маълумки, футболчи Испания чемпионатининг жорий мавсумида бор йўғи 1 марта гол урган.
Испания матбуоти хабарига кўра, футболчиларга нафақат унинг сермаҳсуллиги пасайиб кетгани, балки ўйин пайтида жамоадошларнинг қарорларидан норози бўлиши ҳам ёқмаяпти.
Хусусан, Роналду агар ўзининг иштирокисиз гол урилса, бошқаларга эътироз билдириб, уларнинг жиғига тегмоқда.
