94 ёшли аёл туғилган кунида парашютда сакради 

Ҳозирги кунда 94 ёшга қадар камдан-кам инсон умр кўриши мумкин. АҚШнинг Пенсильвания штатида истиқомат қилувчи Айла Кэмпбелл эса ўзининг 94-туғилган кунини осмонда, парашютда сакраган ҳолда нишонлади. «Бу кун арафасида келаси йили ҳеч қачон парашютда сакрамаслигим мумкин экани ҳақида ўйладим. Энг яхшиси – буни ҳозир амалга ошириш», - деди аёл.

Парвоз йўриқчи билан амалга оширилган, шу билан бирга, Кэмпбелл аввалига у билан ерда машғулот олиб борган. Шундан сўнг кекса аёл 3000 метрлик баландликдан ҳеч қандай қўрқувсиз сакраб, пастга тушиш чоғида соатига 190 километр тезликни қайд этди. Об-ҳаво қуёшли ва деярли шамолсиз бўлган, шу сабабдан қўниш ҳеч қандай кутилмаган ҳолатларсиз ўтди.

Аёлнинг ёнида яқинлари, жумладан эвараси ва чевараси бўлган. Улар шундай деди: «Унинг ҳаёт давомида қилишга улгуриш керак бўлган нарсалари рўйхатида парашютда сакраш ҳам бор эди, биз бу лаҳзани ўтказиб юбора олмасдик».

Парашют бизнеси эгаси Дон Кельнернинг (у 44 минг сакрашни амалга ошириб, Гиннесснинг рекордлар китобига кирган) тан олишича, бу даража кекса инсонлар парвозни амалга оширишганини ҳеч қачон кўрмаган.

Аёлнинг ўзи эса қувончини яшириб ўтирмади: «Эркин қулаш - бу вау. Шамол ажойиб. Зўр бўлди, менга жуда ёқди. Буни яна такрорлайман».