Хитойнинг йирик интернет провайдери Tencent компанияси Хитойнинг Nio стартапининг асосий сармоядорига айланди. У электромобиллар ишлаб чиқаришни режалаштирган. Шанхайнинг Nio стартапига 2014 йили тадбиркор Уильям Ли асос солган. У даставвал NextEV деб аталган ва йирик инвесторлар, хусусан Hillhouse Capital Group ва Sequoia Capital эътиборини тортган эди.
Баҳорда 2018 йилга келиб ўзининг илк электромобилини серияли ишлаб чиқишини эълон қилган эди.
7 ўриндиқли Nio ES8 SUV электромобили декабрь ойи ўрталарига тайёр бўлади ва Лининг ишонтиришича, Tesla Model X электрокарига нисбатан кўпроқ функцияларга эга бўлади. Шу билан бирга у арзон бўлади. Лининг фикрича, Tesla стартапнинг асосий рақобатчи компаниясидир. Стартап 2020 йили Америка бозорига тўлиқ муқобил бошқарилувчи автомобилларни етказиб беришни режалаштирмоқда. Nio фирмасига бу борада Chongqing Changan Automobile автокомпанияси тадқиқот ва маркетинг масаласида ёрдам беради.
Tencent компаниясидан ташқари, инвесторлар сафидан Американинг Lone Pine Capital хеж фонди, Хитойнинг CITIC Capital инвестиция фирмаси ва шотландиялик фонд менежери Бейли Гиффорд ҳам ўрин олган. Бироқ Nio вакиллари ҳозирча бу ҳолатга изоҳ беришмаяпти, деб ёзади Reuters.
Шу йилнинг май ойида дунёнинг энг тез электромобили Nio EP9 ўз рекордини янгилади. У 20,8 кмга тенг йўлни 6 дақиқа 45 сония 9 лаҳзада босиб ўтганди. Электрокар 7,1 сонияда соатига 200 км тезликка эришади. Унинг энг юқори тезлииги 313 км/с ни ташкил этади.
