«ПСЖ» раҳбари Неймар туфайли «Барселона»ни фирибгарликда айблади

«ПСЖ» спорт директори Антеро Энрике, клубнинг молиявий фэйр-плей қоидаларига қанчалик мос экани ҳақидаги саволга жавоб берди.

«Биз хотиржаммиз. Биз УЕФА томонидан қўйилган чекловларни ва ўз жавобгарлигимизни биламиз. Қоидага мос келиш учун қанча футболчи сотишимиз керак? Трансфер ойнаси очилмагунча, бу ҳақда гапирмайман. 

«ПСЖ» клубида энг зўр футболчилар тўп сурмоқда, демак биз трансфер бозорига чиқа оламиз.

УЕФА томонидан ўтказилаётган суриштирув? Менимча, испанияликлар катта босим уюштирмоқда. Ла Лига президенти Неймар трансферини танқид қилмоқда. Хўп, унда айтингчи, «Барселона» 2013 йилда Неймарни қанча пулга сотиб олди? Ҳақиқатда қанча пул тўлади? 

«ПСЖ» ҳуқуқий томондан ҳамма ишни тўғри бажармоқда, биз Неймарнинг товон пулини тўлаганмиз», – деб Энрике сўзларини келтирмоқда Le Parisien.