«Реал» Азарни трансфер қилмоқчи

Мадриднинг «Реал» клуби «Челси» яримҳимоячиси Эден Азарнинг трансфери учун рекорд қийматдаги таклифни тайёрламоқда.

The Sun хабарига кўра, «галактикос» бельгиялик ҳужумкор футболчи учун 120 миллион евро беришга тайёр. Бу эса мадридликлар тарихидаги рекорддир.

Эслатиб ўтамиз, аввалроқ 26 ёшли Азар айнан Испания гранди қизиқиши туфайли, «кўклар» билан янги шартнома имзоламаган эди.

Футболчининг амалдаги меҳнат битими 2020 йилгача мўлжалланган.