ФВВ «Қамчиқ» довони бўйича тезкор хабарнома берди

Ўзбекистон Республикаси Фавқулодда вазиятлар вазирлиги «Қамчиқ» довони бўйича тезкор хабарнома эълон қилди.

ФВВ Фавқулодда вазиятларда бошқарув маркази (ФВБМ) хабарига кўра, Ўзгидромет маълумотига асосан, жорий йилнинг 11, 12 ва 14 январь кунлари «Қамчиқ» довонида қор ёғиши, вақти-вақти билан кучайиши, туман тушиб кўринишнинг 50-100 метргача ёмонлашиши, шамолнинг тезлиги 22-25 м/с гача кучайиши, йўлларда қор уюмларининг юзага келиши, йўлнинг музлаши кутилмоқда. 

ФВВ «Қамчиқ» довони орқали вақтинча автотранспортда ҳаракатланмасликни тавсия этган.