«Қўланса давлатлардан келган мигрантлар». Трамп ўта кескин фикр билдирган

АҚШ президенти Дональд Трамп қонун чиқарувчилар билан учрашув давомида баъзи мамлакатлардан Қўшма Штатларга келаётган мигрантларни «қўланса жойдан» чиқиб келганлар, деб атаган. Бу ҳақда The Washington Post вазиятдан хабардор икки нафар манбага таянган ҳолда маълум қилмоқда.

«Нега бизнинг мамлакатда ўзининг қўланса давлатларидан чиқиб келаётган бу одамлар бор?» - деган Трамп. Тахминларга кўра, у Африка мамлакатлари ҳамда Ҳаитидан бўлган мигрантларни назарда тутган.

Унинг сўзларига кўра, АҚШ Норвегия каби давлатлардан одамларни жалб қилиши керак.

Эслатиб ўтамиз, аввалроқ Трамп Ким Чен Ин билан муносабатлари бўйича кутилмаган баёнот бергани хабар қилинганди.