Қозоғистоннинг Олмаота шаҳри прокурори ўз лавозимидан бўшатилди
Олмаота шаҳри прокурори Габит Миразов интизомий қоидабузарликни содир этгани учун ўз лавозимидан бўшатилди. Бу ҳақда Қозоғистон бош прокуратурасига таяниб маълум қилинган.
Шунингдек, кузатув фаолиятини тегишлича ташкиллаштирмаганлик, жиноий жараёнда йўл қўйилган тизимли қоидабузарликлар, давлатнинг манфаатларини носамарали тақдим қилганлик учун Ақтўбе вилояти ва Жанубий Қозоғистон вилояти прокурорлари ўринбосарлари Данияр Сиздиков ва Абил Кожахметов ишларидан бўшатилганлар.
Шунингдек, Ақтўбе, Оқмола, Шимолий Қозоғистон вилояти прокурорлари, Павлодар, Олмаота, Қизилўрда, Атирау, Манғистау вилоятлари прокурорлари ўринбосарлари, Тараз ва Қарағанда шаҳарлари прокурорлари турли интизомий жавобгарликка тортилганлар.
Бош прокуратурада таъкидланишича, ушбу қарорлар прокуратуранинг 26 январдаги йиғилиши натижаларига кўра қабул қилинган. Шунингдек, жиноий ва фуқаролик жараёнларида қонунчиликнинг таъминланишида, жиноий жазоларни ижро этиш соҳасида сезиларли камчиликлар аниқланган.
Мавзуга оид
11:06 / 14.09.2024
Исроил Адҳамов бош прокурор ўринбосари этиб тайинланди
22:56 / 09.08.2024
Қозоғистон ИИВ собиқ раҳбарига 5 йил муддатга шартли қамоқ жазоси тайинланди
11:37 / 01.07.2024
Сурхондарёда прокурор пора олаётганда тезкор тадбирда ушланди
20:56 / 11.06.2024