Ўзбекистонда 4,1 магнитудали ер силкиниши қайд этилди
Ўзбекистонда 5 февраль куни 4,1 магнитудали ер силкиниши қайд этилди. Бу ҳақда Ўзбекистон Сейсмопрогнозтик республика мониторинг маркази мутахассислари KUN.UZ’га маълум қилишди.
Уларнинг сўзларига кўра, зилзила Тошкент вақти билан соат 6:56да қайд этилган. Ер силкиниши ўчоғи ўн километрлик ер тубида жойлашган бўлиб, Тошкент шаҳридан 70 километр шимоли-шарқда юз берган. Зилзиланинг сезиларлилик даражаси билинмаган.
Ўз навбатида, Қозоғистон сейсмология тажрибавий-услубий экспедицияси хабарига кўра, 5 февраль куни 4,7 магнитудали зилзила юз берган.
Қозоғистон сейсмик станциялари тармоғи томонидан маҳаллий вақт билан соат 7:56да (Тошкент вақти билан 6:56) Олмаотадан 576 километр масофада, Ўзбекистон ҳудудида зилзила қайд этилган.
Мавзуга оид
19:53 / 16.09.2024
Ўзбекистон АҚШ билан божхона соҳасидаги ҳамкорликка оид битимни имзолади
20:49 / 02.09.2024
Россиянинг Ўзбекистондаги элчиси республика билан алоқаларнинг ривожланиши ҳақида гапирди
20:37 / 31.07.2024
Ўзбекистонда YouTube’га кириш секинлашгани айтилган хабарлар рад этилди
23:00 / 13.06.2024