Ҳиндистонда 4 оёқли жўжа туғилди. Жўжанинг эгаси жўжани унга таклиф қилинаётган мўмай пулга ҳам сотишдан бош тортмоқда, деб хабар бермоқда Mirror нашри.
Жўжа 2 ойлик бўлиб, оддий жўжалар каби ўсмоқда. Унинг эгаси Жавад Алининг айтишича, антиқа жўжани кўргани ҳар куни кўплаб одамлар келмоқда. Баъзилар жўжа учун 5 минг рупийгача пул таклиф қилишган.
Жўжада ортиқча оёқларнинг пайдо бўлишига полимелия ирсий касаллиги сабаб бўлган. Бунда одатда ишламайдиган ортиқча оёқлар ривожланади.
