Афринда Туркия ҳарбий вертолёти уриб туширилди

Фото: AP

Африндаги амалиёт давомида Туркия ҳарбий вертолёти уриб туширилди. Бу ҳақда Туркия президенти Ражаб Тоййиб Эрдўған маълум қилди, деб хабар бермоқда Anadolu.

Давлат етакчиси айбдорлар бунинг учун «катта нарх» тўлаши ҳақида маълум қилган.

Вертолёт Туркиянинг Сурия билан чегара яқинида жойлашган Хатай вилоятида осмони узра уриб туширилган.

Туркия президенти бу борада бошқа тафсилотларни келтирмаган.

Эслатиб ўтамиз, аввалроқ Туркия ташқи ишлар вазири Мавлуд Чавушўғли мамлакат Африндаги вазиятни АҚШ билан муҳокама қилмаслиги ҳақида маълум қилганди.