Европа Лигаси 1/16 финали биринчи учрашувлари доирасида Даниянинг «Копенҳаген» клуби Мадриднинг «Атлетико» клубини қабул қилиб, йирик ҳисобда ютқазди 1:4.

Ўйинда ҳисобни 15-дақиқада Фишер очган бўлсада, кейин Сауль, Гамейро, Гризманн ва Витоло бирин-кетин мезбонлар дарвозасини ишғол қилишди.

Италиянинг «Наполи» клуби Германиянинг «РБ Лейпциг» клубини қабул қилди. Неаполдаги «Сан-Паоло» стадионида кечган учрашув меҳмонлар жамоасининг 3:1 ҳисобидаги ғалабаси билан якунланди.

Ўйиннинг 52-дақиқасида Адам Уна мезбонларни ҳисобда олдинга олиб чиқди, аммо 61-дақиқада Тимо Вернер ҳисобни тенглаштирди. Кўп ўтмай Брума «РБ Лейпциг»нинг иккинчи голини урди. Ўйин охирида Вернер дублни расмийлаштирди.

«Зенит» Шотландиянинг «Селтик» клуби меҳмони бўлди. Глазгодаги «Селтик Парк» стадионида кечган учрашув майдон эгаларининг 1:0 ҳисобидаги ғалабаси билан якунланди.

Ўйиндаги ягона гол иккинчи бўлимда урилди. 78-дақиқада Мусса Дембеле чап қанотдан ҳужум қилиб, Шарли Мусондуни тўп билан таъминлади, у эса жарима майдончасидаги Каллум Макгрегорни топди ва Андрей Лунёв дарвозаси ишғол этилди.

«Лион» эса «Вильярреал»ни қабул қилди. «Стад де Люмьер» стадионида кечган учрашув 3:1 ҳисобида мезбонлар фойдасига ҳал бўлди.

Майдон эгалари сафида Тангай Н`Домбеле Альваро, Набиль Фекир ва Мемфис Депай ўз номларини таблога ёздиришди. «Вильярреал»нинг ягона голини Пабло Форналес россиялик ярим ҳимоячи Денис Черишевнинг пасидан кейин урди.

Грециянинг АЕК клуби эса Киевнинг «Динамо»сини қабул қилди. Афинадаги «Олимпик – Спирос Луис» стадионида кечган учрашувда кучлар тенг келди - 1:1.

Украинлар жамоаси Виктор Циганковнинг 19-дақиқада урган голи эвазига ҳисобни очишганди. Аммо майдон эгалари 80-дақиқада швециялик ярим ҳимоячиси Астрит Айдаревичнинг зарбаси билан жавоб қайтаришди.

«Лацио» 1/16 финалдаги биринчи учрашувни бой берди. Римликлар Руминиядан «Стяуа»га кичик ҳисобда ютқазишди — 0:1.

Сербиянинг «Партизан» клуби эса Чехиянинг «Виктория Пльзень» клубини қабул қилиб, дурангга имзо чекди — 1:1.

Жавоб учрашувлари 22 февралга белгиланган.

Европа Лигаси