14 февралда АҚШнинг Паркленд шаҳридаги мактабда 17 кишини отиб ташлаган Николас Круз 9 ой аввал 1966 йилда Техасда содир этилган оммавий қотилликни такрорлашга ваъда бергани маълум қилинди. Ўша ҳужумда ҳам 17 киши ҳалок бўлган.
АҚШнинг замонавий тарихида биринчи оммавий қотил деб ҳисобланувчи Чарльз Уитмен 1966 йил 1 августда Техас университетидаги 28 қаватли миноранинг энг юқорисида ўрнашиб олиб, у ердан кўчадаги одамларни ўққа тутган. Оқибатда 17 киши унинг қурбонига айланган.
“Мен ҳам шуни қилмоқчиман”, деб ёзган Круз YouTube’да Уитмен ҳақидаги фильмга қолдирган изоҳида. Бу изоҳнинг скриншотини TMZ портали келтирди. 3 ойдан кейин эса Круз фильмга қолдирилган изоҳлар давомида антифашистлар номига таҳдид билдирган.
