Қирғизистон пойтахти Бишкекдаги Ала-Тоо майдонида 4 март куни «Мен қирғизман» биринчи фестивали бўлиб ўтади, у Оқ қалпоқ кунига бағишланади. Бу ҳақда «Қирғиз тилектештиги» жамоат бирлашмасидан маълум қилишган.
Фестиваль дастурига миллий кийимлардаги 200 киши иштирокида бўлиб ўтадиган байрамона парад ҳам киритилган.
Шунингдек, Қирғизистон барча қабилаларининг 40 вакили Гиннеснинг рекордлар китобига киритилиши режалаштирилган 1000 кг бешбармоқ миллий таомини тайёрлаш бўйича тадбирда иштирок этади.
Кутилишича, тадбирга мамлакат бош вазири, Жогорку Кенеш спикери, Бишкек шаҳри ҳокими ва элчилар ташриф буюради.
