Сооронбай Жээнбеков ички ишлар идораларини порахўр ходимлардан тозалашни буюрди

Қирғизистон президенти Сооронбай Жээнбеков ички ишлар вазири Улан Исроиловга милиция сафларини порахўр ходимлардан тозалаш ишларини кучайтириш ва жиноятчиликка қарши курашни фаоллаштиришни буюрди.
     
Маълум қилинишича, Жээнбеков ва Исроилов учрашувда ички ишлар идораларида коррупцияга қарши кураш бўйича чоралар ва вазифаларни муҳокама қилишган.   

Жээнбеков ички ишлар сафларини коррупция билан шуғулланувчи ва жиноий жазоланувчи жиноятлар, жумладан наркокоррупцияга  аралашган нопок ходимлардан тозалаш бўйича ишларни кучайтириш вазифасини қўйди. Бундан ташқари, Жээнбеков ички ишлар идораларини ислоҳ қилиш билан боғлиқ барча тадбирларни ниҳоясига етказиш топшириғини берди.