Бухорода қотиллик юз берди

Бухоро вилоятининг Когон туманида қотиллик юз берди, деб хабар қилмоқда Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси.

Қайд этилишича, Когон туманида 12 февралга ўтар кечаси Қоракўл тумани Қуввачи қишлоғида яшовчи, “Қўлдош Бўрон” МЧЖ ишчиси, 1979 йилда туғилган Б.Ғ. Истиқбол МФЙ ҳудудида ўзаро жанжал оқибатида Янгиобод қишлоғида яшаган М.Т.нинг танаси турли жойларига ғишт бўлаги ва темир чойнак билан уриб жароҳат етказган.

Натижада М.Т. воқеа жойида вафот этган. Б.Ғ. қўлга олинган.