Непал пойтахти Катманду шаҳри халқаро аэропорти маъмурияти US-Bangla авиакомпанияси самолётининг ҳалокатга учрашига нима сабаб бўлгани ҳақида маълумот берди. Бу ҳақда Kathmandu Post хабар қилмоқда.
Аэропорт вакилларининг сўзларига кўра, ҳалокат самолёт бортидаги техник носозлик туфайли рўй берган бўлиши мумкин.
Эслатиб ўтамиз, аввалроқ Непал пойтахти Катманду шаҳри халқаро аэропорти ёнида US-Bangla авиакомпанияси самолётининг қулаши оқибатида 50 киши ҳалок бўлгани хабар қилинганди. Маълумотларга кўра, бортда ҳаммаси бўлиб 67 йўловчи ва экипажнинг тўрт нафар аъзоси бўлган.