Nepalda yo‘lovchi samolyoti quladi, 50 kishi halok bo‘ldi

Nepal poytaxti Katmandu shahri xalqaro aeroporti yonida US-Bangla aviakompaniyasi samolyotining qulashi oqibatida 50 kishi halok bo‘ldi. Bu haqda Kathmandu Tribune xabar bermoqda.

Xabar qilinishicha, bortda hammasi bo‘lib 67 yo‘lovchi va ekipajning to‘rt nafar a'zosi bo‘lgan.

Dastlabki ma'lumotlarga ko‘ra, samolyot aeroportdan sharqda joylashgan futbol maydoniga qulagan. Layner uchish-qo‘nish yo‘lagiga kira olmagan, shundan so‘ng yonib ketgan.