Навоий шаҳрида жиноят содир бўлди, деб хабар бермоқда Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси.
Қайд этилишича, 2018 йил 11 март куни Кармана туманида яшовчи, 1975 йилда туғилган А.И. ИИБга мурожаат қилиб, шу йил 10 март куни номаълум шахс И.Каримов кўчаси 73-уй олдида қаровсиз қолдирилган унга тегишли “Матиз” русумли автомашинани калит танлаш йўли билан очиб, салонидан 10 млн сўм пулни ўғирлаб кетганлигини маълум қилган.
Кўрилган чоралар натижасида, ушбу жиноятни Кармана тумани Хазаро МФЙ Малик маҳалласида яшовчи, 1988 йилда туғилган Ж.Ж. содир этганлиги аниқланиб қўлга олинган.
