© РИА Новости / Сергей Гунеев
Хитойнинг олий қонунчилик органи (Бутунхитой халқ вакиллари йиғини) депутатлари Ли Кэцян номзодини Хитой давлат кенгаши раиси лавозимига иккинчи муддатга ҳам тасдиқлашди.
Унинг номзоди Хитой Халқ республикаси раиси Си Жинпинг томонидан илгари сурилганди.
Номзод учун яширин овоз бериш жараёни якшанба куни, Бутунхитой халқ вакиллари йиғинининг 13-чақириқ, биринчи сессияси олтинчи ялпи йиғилишида ўтказилди.
Ли Кэцян ХХР бош вазири лавозимига илк марта 2013 йил мартида Бутунхитой халқ вакиллари йиғини 12-чақириғи сессиясида тасдиқланганди.
Хитой Конституциясига кўра, бош вазир ҳукуматни 5 йиллик икки муддатда бошқариши мумкин.
