Буффон Роналду ва Мессини таққослаб кўрди

«Ювентус» дарвозабони Жанлуижи Буффон жаҳоннинг «Реал» ҳужумчиси Криштиану Роналду ва «Барселона» етакчиси Лионель Мессини таққослаб кўрди.

«Месси ва Роналду бутунлай бошқа-бошқа тоифадаги футболчилар. Месси — нисбатан кўп қиррали футболчи, чунки у кўпроқ орқароққа қайтиб ҳужумларни бошлайди. У техник жиҳатдан юқори салоҳиятга эга. Мессининг майдонни кўриш, ўйинни ўқиш қобилияти юқори. Месси ҳужумларни якунловчи эмас, балки ҳимоя ва ҳужум ўртасида боғлам яратадиган футболчи саналади.

Криштиану Роналду эса, балки ёши ўтиб бораётган сабаблими, жарима майдончаси ичидаги ҳақиқий «қотил»га айланмоқда. Ҳозирги Роналдунинг аввалгисидан фарқи шуки, айни пайтда у кучини тежаган ҳолда ўйнамоқда, аввалгидек қанотларга ўтиб финт ёки трюкларни амалга оширмаяпти. Аммо у жарима майдонига етказиб берилган исталган тўпни голга айлантириши мумкин», дея Буффоннинг сўзларини келтиради Foootball Italia.