Фото: Alessandro Currarino/ El Comercio
Перуда мамлакат собиқ президенти Альберто Фухимори шифохонага ётқизилди. Бу ҳақда El Comercio Перу собиқ етакчисининг оилавий шифокори Алехандро Агинадуга асосан хабар бермоқда.
Унинг сўзларига кўра, Фухимори гастроэнтероколити оғирлашгани туфайли шифохонага олиб кетилган.
«У жуда кучсиз, дармонсиз ҳолатда, шунинг учун шифохонага олиб кетилди», - дея маълум қилган Агинада.
Шунингдек унинг таъкидлашича, тиббиёт ходимлари регидратацион терапияни амалга оширмоқда, ҳамда собиқ президентнинг аҳволи «яхшиланмоқда».
