Алмазбек Атамбоев ҚСДП партияси етакчиси этиб сайланди

Қирғизистон собиқ президенти Алмазбек Атамбоев Қирғизистон Социал-демократик партияси етакчиси этиб сайланди. Бу ҳақда Евгения Бердникова партия қурултойи якунлари бўйича хабар берган.

Унинг сўзларига кўра, кун тартибида иккита масала бўлган: партия фаолияти якунлари ҳақида ҳисобот ва етакчини сайлаш.

Қурултойга 191 делегат таклиф этилди, 179 нафари рўйхатдан ўтди. 

Делегатлар орасида Салайдин Авазов, Фарид Ниёзов, Кушбак Тезекбаев, Музаффар Исаков, Осмонбек Ортиқбоев, Достон Бекешев, Иса Омуркулов, Азамат Арапбаев, Албек Ибраимов, Икромжон Илмиянов бўлган.

Эслатиб ўтамиз, аввалроқ Ўш расмийлари маҳаллий яйловлар Ўзбекистонга берилгани тўғрисидаги маълумотни рад этишганди.