Жиззахда ЙТҲ, икки киши ҳалок бўлди

Иллюстратив фото/Андрей Старостин

Жиззах вилоятининг Фориш туманида йўл-транспорт ҳодисаси содир бўлди, деб хабар қилмоқда Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси.

Қайд этилишича, 13 апрель куни соат 00.10ларда, Эгизбулоқ қишлоғида яшаган, 1993 й.т. К.Ҳ. тегишли ҳужжатларсиз бошқарувидаги “Ласетти” автомашинасини шу МФЙ ҳудудидан ўтувчи “Янгиқишлоқ-Банд даҳаси” 4К-236 автомобиль йўлининг 1-км.да ҳайдаб кетаётиб бошқарувни эплай олмай йўл четига чиқиб кетиб ағдарилган.

Натижада ҳайдовчи К.Ҳ. ва унинг йўловчиси, ҳамқишлоғи, 1993 й.т. А.О. олган жароҳатларидан воқеа жойида вафот этган.

#ЙТҲ #Жиззах