Путиннинг зирҳли лимузини сотувга қўйилди

Владимир Путин ҳаракатланган лимузин 8,5 млн рублга сотувга қўйилди. Бу ҳақдаги эълон «Аuto.Ru» порталида жойлаштирилган.

Айни дамда 2003 йилда ишлаб чиқарилган зирҳли Mercedes-Benz Pullman W220 S600 хусусий коллекцияда сақланади. Автомобиль 88 километр йўл босган. 5,8 литрли мотор қуввати 367 от кучига тенг. Эълонда иддао этилишича, машинага фақат бир киши эгалик қилган.

«Махсус ҳолатларга мўлжалланган автомобиль Кремль гаражида Россия Федерацияси президенти Владимир Путиннинг бошқарув йилларида фойдаланилган. У бу автомобилда расмий ва норасмий учрашувларга борган», - дейилади хабарда.