Мексиканинг Леон-де-лос-Альдама шаҳрида намойишга олиб келинган УЕФА кубоги ўғирлаб кетилди. Бироқ кубок кўп ўтмай Гуанахуатода топилди ва жойига қайтарилди.
Таъкидланишича, кубок уни намойиш қилиш тадбиридан кейин автомобилдан ўғирлаб кетилган. Полициячилар бу ҳақда хабар олганларидан кейин тезкорлик билан ҳаракат қилиб, уни топа олишган.
УЕФАнинг таъкидлашича, кубокнинг оригинали уларда сақланади. Европа лигасида ғолиб бўлган клублар кубокнинг нусхасини олишади. Бироқ маълумотларга кўра, Мексикага кубокнинг айнан оригинали олиб борилган.
