Энди Instagram'дан сурат ва видеоларни юклаш мумкин бўлади 

Машҳур Instagram тармоғи суратлар ва видеоларни юклаш имконини ишга туширди. TechCrunch'да шу ҳақида хабар берилди.

Instagram ўз фойдаланувчиларига контентларни юклашга рухсат берди. Data Download функцияси ҳозирча фақат сайтда мавжуд, бироқ ишлаб чиқарувчилар уни иловага ҳам татбиқ қилишга ваъда беришмоқда.

Афтидан, айнан янги функцияни киритишга тайёрланиш жараёнида Instagram фаолиятида узилишлар кузатилган. Кечадан буён ижтимоий тармоқ фойдаланувчилари илова ва сайтнинг ишлашидан шикоят қилишаётган эди.

Фойдаланувчилар асосан аккаунтга киришда, янгиликлар лентасида ва сайтда муаммоларга дуч келишганини маълум қилишган.