Японияда 1953 йилдан буён ҳар йили ўтказиб келинадиган танловда ҳаваскор ва профессионал фотографлар иштирок этади. Мусобақа бир нечта йўналишни қамраб олиб, ғолиблар учун пул ва бошқа совринлар назарда тутилган.
Канагава префектурасидан Маюми Такэути бош совринни келтирган кадрни сув остида олган. У кенг бурчакли объектив, камера учун мустаҳкам сув ўтказмайдиган ғилоф ва импульсли чақноқдан фойдаланган.
Суратга олиш пайтида фотограф билан олуша ўртасидаги масофа бир метрдан ҳам кам бўлган. Ҳакамлар ушбу кадрни «мўъжиза» деб таърифлаган.
Танловнинг бош совринини олган сурат. © Mayumi Takeuchi
«Табиат» йўналишидаги олтин мукофот Фукуокадан Коити Икэдага берилган. У парвоздаги икки бойўғлини шундай лаҳзада тасвирга олганки, қушлар гўё бир-бирининг кўзгудаги аксидек кўринади.
Nikon маълумотига кўра, фотограф бу кадрни фокус масофаси 800 миллиметр бўлган супертелеобъектив ёрдамида олган.
«Табиат» йўналишида олтин мукофот. © Koichiro Ikeda
Ушбу йўналишда кумуш мукофот Кэйко Нэгисига насиб этган. Масато Наката, Ясуюки Кониси ва Акира Сато эса бронза совриндорлари бўлган.
«Табиат» йўналишида кумуш мукофот. © Keiko Negishi
