Роскомнадзор: Telegram’ни блоклаш Америка IT-гигантларига қарши туришга айланиб кетди

Telegram’ни блоклаш мессенжерга Россияда ишлаб туриш учун кўмак бераётган Америка IT-гигантларига қарши туришга айланиб кетди, деган чоршанба куни Роскомнадзор раҳбари ўринбосари Вадим Субботин Telegram блокланиши ортидан жабр чеккан бизнес вакиллари билан учрашувда.

«Айни пайтда ҳам Amazon, ҳам Google ва бир қатор компаниялар Россия қонунчилигини бажаришдан бош тортишмоқда. Сирасини айтганда, айни пайтда Роскомнадзор Telegram билан олишмаяпти, Роскомнадзор ҳозир Telegram’ни ўз ортига бекитаётган дунёнинг йирик IT гигантлари билан қарама-қаршилик майдонига чиқди», — деган Субботин.

У блоклашга тушиб қолган тармоқ остидан фойдаланган Россия ташкилотлари учун Америка компанияларидан ижобий шарт-шароитлар олиш учун ҳаракат олиб борилаётганини таъкидлаб ўтди. Субботин музокаралар Россия учун хайрли якунланишидан умид қилаётганини айтиб ўтди. «Биз ўзаро ҳамкорлик бўйича ижобий натижаларни кутмоқдамиз», — деди у.

Google ва Amazon манфаатлари

«Amazon ҳам, Google ҳам ва бошқа провайдерлар ҳам Telegram учун айнан қайси IP диапазон ажратилганлигини, у қайси тармоқ остида жойлашгани, бу IP-манзилларни қандай ихоталаш мумкинлигини ва Россия ҳудудида алоқа операторлари уларни техник жиҳатдан блоклаши учун нималар қилиниши кераклигини жуда яхши билишади», — деди у.

Унинг ҳисоблашича, айни пайтда мазкур компаниянинг сиёсий манфаатлари тижорий фойдадан кўра устунроқ бўлиб турибди. «Америка компаниялари учун биринчи навбатда сиёсат эмас, бизнес манфаатлар муҳим деб ҳисоблайман. Лекин ҳанузгача ҳам Apple, ҳам Google, ҳам Amazon сиёсий ньюансларни сақлаб турганини тушунмайман», — дея таъкидлаган у.

Субботиннинг айтишича, сиёсий нишоналар App Store ва Google Play онлайн дўконларидан иловаларнинг ўчириб юборилишида ҳам кўзга ташланмоқда. Субботин Роскомнадзорнинг Telegram иловаларини онлайн дўконлардан ўчириш талаби компанияларнинг олий раҳбарияти даражасида кўриб чиқилаётганидан хабардор эканлигини айтди.

Блоклаш ҳақида огоҳлантириш

Субботин Amazon ва Google’нинг тармоқ остларини блоклашдан аввал Роскомнадзор Россия судининг қарорини ихтиёрий бажариш ва Россияда Telegram’га уланишни ихтиёрий равишда чеклаш юзасидан компаниялар билан музокаралар ўтказган.

«Мен шахсан ўзим Google ва Amazon вакиллари билан ҳар куни сўзлашиб турдим. Тармоқ остиларини блоклаш ҳақидаги қарорни қабул қилишдан аввал биз компанияларга Россия судининг қарорини рисоладагидек бажаришни таклиф қилдик», — деди у.

Субботиннинг эслатишича, Москванинг Таганка суди қарорига кўра, Telegram’га уланишни чеклаш мажбурияти нафақат Роскомнадзорга, шунингдек мессенжерга майдон тақдим этаёган Google ва Amazon сингари учинчи шахсларга ҳам юклатилган. Субботиннинг айтишича, муаммоли ресурсларнинг 70 фоизи Amazon майдонларида, 15 фоизи Google майдонларида жойлашган.

Субботиннинг хабар беришича, мазкур компаниялар Telegram’нинг IP-манзилларини ихоталашни рад этишган ва блокланишга тушган тармоқ остиларидан фойдаланаётган қонунга итоатгўй ресурсларнинг тақдирига бефарқ эканликларини намойиш этишди. «Бу оний дақиқалардаги қарор эмас, бу қарорга жаҳоннинг йирик IT-гигантлари билан ўтказилган узоқ музокаралардан сўнг келинган», — деди у.

Роскомнадзор раҳбари ўринбосари компаниялар билан музокаралар давом этишини айтиб, Google билан ижобий натижаларга эришишгани, Google Telegram’нинг бир неча IP-манзилларини тўсганини айтиб ўтган.

IP-манзилларни блоклаш

«IP-манзиллар бўйича блоклаш бироз замонавийлик белгиси эмас, деган тезислар ҳам янграмоқда. Таассуфки, мобил иловани бошқачасига блоклаб бўлмайди», — деди Субботин. Унинг тушунтиришича, мобил мессенжерларнинг барчаси айнан динамик ўзгарувчан IP-манзиллар воситасида ишлайди.

Субботин Telegram’га уланишни чеклаш доирасида 18 миллионта IP-манзиллар блокланганини айтиб, Роскомнадзор тармоқ остиларини ортиқ блоклаш нияти йўқлигини билдирган.

Унинг таъкидлашича, Роскомнадзор Telegram’нинг Россияда ишлаш учун фойдаланаётган барча механизмларидан хабардор, фақатгина тизимили равишда ўзгариб турган IP-манзиллар унинг ишлашини таъминлаб турибди.