Американинг Walmart компанияси Ҳиндистоннинг Flipkart ритейлерини сотиб олади. Бу ҳақда Flipkart инвесторларидан бири бўлмиш Softbank раҳбари Масаёши Сон баёнотига асосланиб, Reuters хабар бермоқда.
Нашр маълумотига кўра, Walmart компанияси умумий нархи $20 млрд бўлган Flipkart акцияларининг назорат пакетини харид қилиш учун $10-$12 млрд инвестиция киритади. Натижада, бу АҚШ тарихидаги чакана савдо соҳасида энг йирик харидга айланади.
Flipkart –Ҳиндистондаги энг йирик онлайн-магазин бўлиб, компания хизматларидан 100 миллиондан ортиқ одам фойдаланади. 2018 йил 8 май куни ритейлернинг Android иловаси Standout Build for Billions Experience категориясида Google Play Awards ғолиби бўлган эди.
