Фото: Delfi
Эрон инқилоб суди ИШИД аъзолари бўлган 2017 йил ёзида Теҳронда террористик ҳужум уюштирган 6 нафар жангарини ўлимга маҳкум қилди. Бу ҳақда ИРНА агентлиги хабар тарқатмоқда.
Агентлик хабарида қайд этилишича, қонун бўйича айбланувчилар 20 кун давомида апелляция беришлари мумкин.
2017 йилнинг 7 июнида аёллар кийимидаги 4 киши Эрон парламентига қуролли ҳужум уюштирганди. Улардан бири парламент биноси ичида ўзини портлатиб юборган, махсус хизмат вакиллари жангарилардан бирини йўқ қилганди. Шу вақтда Хоманаий мавзолейи жойлашган ҳудудда ҳам ҳужум амалга оширилганди: ҳужум қилганлардан бири портлаш содир этган, бу ерда икки жангари қўлга олинганди. Терактлар оқибатида жами 20 киши ҳалок бўлган, ўнлаб кишилар жароҳатланганди.
